Kalurahan Monggol

Kapanewon Saptosari
Kabupaten Gunungkidul

Jl. Jalur Pantai Selatan (Pansela) Km. 14, Baros Lor, Monggol, Saptosari

KALURAHAN MONGGOL NDEREK MANGAYUBAGYA HUT D.I.YOGYAKARTA INGKANG KAPING 269

Bhe 13 Maret 2024 12:32:32 WIB

Selasa Pon, surya kaping 12 Maret 2024 wanci tabuh 21.00 WIB ngantos paripurna, Pemerintah Kalurahan Monggol kanthi dipunrawuhi Bamuskal Monggol, LPMKal Monggol, babinsa, babinkamtibmas ugi tokoh masyarakat ngawontenaken tirakatan mengeti dumadining Daerah Istimewa Yogyakarta ingkang kaping 269 wonten ing Balai Kalurahan Monggol Kapanewon Saptosari Kabupaten Gunungkidul.

Acara tirakatan punika dipunlaksanakaken serentak sedaya kalurahan ing Daerah Istimewa Yogyakarta. Acara potong tumpeng dipunleksanani panjenenganipun Bapak Lurah Monggol, Bapak Lasiyo kalian Bapak Ketua Bamuskal Monggol, Bapak Jalali ugi Bapak Carik Monggol, Bapak Bayu Dwiatmaka Wardhani. Potong tumpeng dipunwontenaken kangge simbolis pengetan HUT Daerah Istimewa Yogyakarta punika.